Air India Ahmedabad Plane Crash 2025 Crew Members From Maharashtra Who Lost Their Lives

Air India Ahmedabad Plane Crash 2025: अहमदाबादमध्ये झालेल्या एअर इंडियाच्या विमान दुर्घटनेने देश हादरला आहे. (Express Photo Bhupendra Rana) या विमान अपघातात आतापर्यंत २६५ जणांचा मृत्यू झाला आहे. या विमान दुर्घटनेत १२ क्रू मेंबर्स होते. (Express Photo Bhupendra Rana) अहमदाबादवरून उड्डाण केल्यानंतर काही वेळातच झालेल्या अपघात एअर इंडियाच्या विमानातील क्रू मेंबर्स पैकी एक असलेले कॅप्टन सुमित सभरवाल हे होते. (Express Photo Bhupendra Rana) सुमित सभरवाल हे गेल्या काही वर्षांपासून पायलट म्हणून काम करत होते. सुमित सभरवाल हे त्यांच्या ९० वर्षीय वडिलांबरोबर पवईतील जलवायू विहारमध्ये राहत होते. एअर इंडियाच्या अपघातग्रस्त विमानातील क्रू मेंबर्सपैकी एक बदलापूर येथील फ्लाइट अटेंडंट दीपक पाठक हे देखील होते. ११ वर्षांहून अधिक काळ एअरलाइन्समध्ये कामाचा त्यांना अनुभव होता. एअर इंडियाच्या अपघातग्रस्त विमानामध्ये ३५ वर्षीय सायनीता चक्रवर्ती यांचाही समावेश होता. एअर इंडियातील या अपघातग्रस्त विमानामधील असलेल्या क्रूपैकी या एक होत्या. (Express Photo Bhupendra Rana) अहमदाबादमध्ये झालेल्या विमान अपघातात पनवेलमधील न्हावा गावातील २४ वर्षीय फ्लाइट अटेंडंट मैथिली मोरेश्वर पाटील यांचाही समावेश होता. अहमदाबादमध्ये झालेल्या विमान अपघातात डोंबिवलीतील २७ वर्षीय रोशनी राजेंद्र सोनघरे हिचाही समावेश होता. रोशनी राजेंद्र सोनघरे विमानात असलेल्या क्रू मेंबर्सपैकी ही एक होती. राष्ट्रवादी काँग्रेस पक्षाचे (अजित पवार) प्रदेशाध्यक्ष आणि रायगडचे खासदार सुनील तटकरे यांचा भाचा अमोल महाडिक यांच्या पत्नी अपर्णा महाडिक या एअर इंडियाच्या विमानात क्रू सदस्य म्हणून कार्यरत होत्या. अपर्णा यांचे पती अमोल हेदेखील स्वतः एअर इंडियामध्ये वैमानिक म्हणून काम करतात, अशी माहिती समोर आली आहे. (Express Photo Bhupendra Rana) या विमानात केबिन क्रू मेंबर म्हणून सेवा देणारे संत तुकाराम नगर (पिंपरी) येथील इरफान शेख यांचेही निधन झाले. (हेही पाहा : हवाई सुंदरी होण्याचे स्वप्न, शिक्षण..; डोंबिवलीच्या रोशनी सोनघरेचा विमान अपघातात दुर्दैवी मृत्यू)